ਰਿਟਾਇਰਡ ਟੈਨਿਸ ਸਟਾਰ ਐਸ਼ਲੇ ਬਾਰਟੀ ਨੂੰ ਉਨ੍ਹਾਂ ਦੇ ਕਰੀਅਰ ‘ਚ ਦੂਜੀ ਵਾਰ ਆਸਟਰੇਲੀਆ ਦੇ ਸਰਵਉੱਚ ਖੇਡ ਸਨਮਾਨ ‘ਦਿ ਡੌਨ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਆਸਟਰੇਲੀਆ ਦੇ ਸਲਾਨਾ ਹਾਲ ਆਫ ਫੇਮ ਖੇਡ ਸਨਮਾਨ ਸਮਾਰੋਹ ‘ਚ ਬਾਰਟੀ ਨੂੰ ਮਹਾਨ ਖਿਡਾਰੀ ਡੌਨ ਬ੍ਰੈਡਮੈਨ ਦੇ ਨਾਮ ‘ਤੇ ਰੱਖੇ ਗਏ ‘ਦਿ ਡੌਨ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ। ਉਹ ਇਸ ਐਵਾਰਡ ਨੂੰ ਇਕ ਤੋਂ ਜ਼ਿਆਦਾ ਵਾਰ ਜਿੱਤਣ ਵਾਲੀ ਤੀਜੀ ਖਿਡਾਰਨ ਬਣ ਗਈ ਹੈ। ਇਸ ਸਾਲ ‘ਚ ਵਿਸ਼ਵ ਨੰਬਰ ਇਕ ਦੇ ਰੂਪ ‘ਚ ਪ੍ਰਵੇਸ਼ ਕਰਨ ਵਾਲੀ ਬਾਰਟੀ ਜਨਵਰੀ ‘ਚ 1978 ਤੋਂ ਬਾਅਦ ਆਸਟਰੇਲੀਅਨ ਓਪਨ ਟੈਨਿਸ ਸਿੰਗਲਜ਼ ਖਿਤਾਬ ਜਿੱਤਣ ਵਾਲੀ ਪਹਿਲੀ ਘਰੇਲੂ ਖਿਡਾਰਣ ਬਣ ਗਈ ਸੀ। ਦਿ ਡੌਨ ਐਵਾਰਡ ਉਸ ਖਿਡਾਰੀ ਜਾਂ ਟੀਮ ਨੂੰ ਦਿੱਤਾ ਜਾਂਦਾ ਹੈ ਜਿਸ ਨੇ ਆਪਣੇ ਪ੍ਰਦਰਸ਼ਨ ਨਾਲ ਆਸਟਰੇਲੀਆ ਨੂੰ ਪ੍ਰੇਰਿਤ ਕੀਤਾ ਹੋਵੇ। ਇਸ ਤੋਂ ਪਹਿਲਾਂ ਬਾਰਟੀ ਨੇ 2019 ‘ਚ ਵੀ ਇਹ ਐਵਾਰਡ ਜਿੱਤਿਆ ਸੀ।
