ਪ੍ਰਿੰਸ ਚਾਰਲਸ ਇਕ ਤਾਜ਼ਾ ਵਿਵਾਦ ’ਚ ਫਸ ਗਏ ਹਨ। ਇਸ ਵਿਵਾਦ ਦਾ ਕਾਰਨ ਬਣਿਆ ਹੈ ਓਸਾਮਾ ਬਿਨ ਲਾਦੇਨ ਦੇ ਪਰਿਵਾਰ ਤੋਂ ਇਕ ਮਿਲੀਅਨ ਪੌਂਡ ਰਾਸ਼ੀ ਸਵੀਕਾਰ ਕਰਨਾ। ਜਾਣਕਾਰੀ ਮੁਤਾਬਕ ਪ੍ਰਿੰਸ ਚਾਰਲਸ ਨੇ ਅਮਰੀਕਾ ਦੇ 9/11 ਹਮਲੇ ਦੇ ਪਿੱਛੇ ਅੱਤਵਾਦੀ ਮਾਸਟਰਮਾਈਂਡ ਦੇ ਭਰਾਵਾਂ ਤੋਂ ਨਕਦੀ ਲੈ ਲਈ ਅਤੇ ਇਹ ਨਕਦੀ ਉਸ ਦੀ ਚੈਰਿਟੀ ’ਚ ਜਮ੍ਹਾਂ ਕਰ ਦਿੱਤੀ ਗਈ। ਉਨ੍ਹਾਂ ਨੇ 30 ਅਕਤੂਬਰ 2013 ਨੂੰ ਕਲੇਰੈਂਸ ਹਾਊਸ ’ਚ ਬਕਰ ਨਾਲ ਇਕ ਨਿੱਜੀ ਮੀਟਿੰਗ ਤੋਂ ਬਾਅਦ ਸੌਦਾ ਕੀਤਾ ਸੀ। ਬਿਨ ਲਾਦੇਨ ਦੇ ਪਰਿਵਾਰ ਨਾਲ ਜੁਡ਼ੇ ਹੋਣ ਦੇ ਡਰ ਕਾਰਨ ਸਲਾਹਕਾਰਾਂ ਦੁਆਰਾ ਉਨ੍ਹਾਂ ਨੂੰ ਨਕਦੀ ਵਾਪਸ ਕਰਨ ਦੀ ਅਪੀਲ ਕਰਨ ਦੇ ਬਾਵਜੂਦ ਪ੍ਰਿੰਸ ਆਫ ਵੇਲਜ ਨੇ ਦਾਨ ਦੀ ਬੈਂਕਿੰਗ ਕੀਤੀ। ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਨੇ ਪ੍ਰਿੰਸ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਜੇਕਰ ਉਸਦਾ ਨਾਮ ਬਿਨ ਲਾਦੇਨ ਵਾਂਗ ਹੀ ਸੁਰਖੀਆਂ ’ਚ ਆਇਆ ਤਾਂ ਉਸ ਦਾ ਅਕਸ ਖਰਾਬ ਹੋ ਜਾਵੇਗਾ। 11 ਸਤੰਬਰ 2001 ਨੂੰ ਨਿਊਯਾਰਕ ਵਰਲਡ ਟਰੇਡ ਸੈਂਟਰ ਅਤੇ ਅਮਰੀਕਾ ਦੇ ਹੋਰ ਟਿਕਾਣਿਆਂ ’ਤੇ ਹੋਏ ਹਮਲਿਆਂ ’ਚ 67 ਬ੍ਰਿਟਿਸ਼ ਨਾਗਰਿਕਾਂ ਸਮੇਤ ਕੁੱਲ 2977 ਲੋਕ ਮਾਰੇ ਗਏ ਸਨ ਅਤੇ 6,000 ਤੋਂ ਵੱਧ ਜ਼ਖ਼ਮੀ ਹੋਏ ਸਨ। ਇਕ ਘਰੇਲੂ ਸਟਾਫ ਮੈਂਬਰ ਨੇ ਕਥਿਤ ਤੌਰ ’ਤੇ ਚਾਰਲਸ ਨੂੰ ਕਿਹਾ ਕਿ ‘ਇਹ ਕਿਸੇ ਲਈ ਚੰਗਾ ਨਹੀਂ ਹੋਵੇਗਾ’ ਜੇਕਰ ਮੀਡੀਆ ’ਚ ਇਹ ਖੁਲਾਸਾ ਹੁੰਦਾ ਹੈ ਕਿ ਉਸਨੇ ਬਿਨ ਲਾਦੇਨ ਦੇ ਪਰਿਵਾਰ ਤੋਂ ਨਕਦੀ ਲਈ ਸੀ। ਉਕਤ ਫੰਡ ਚੈਰਿਟੀ ਦੇ ਕੌਟਸ ਬੈਂਕ ਖਾਤੇ ’ਚ ਜਮ੍ਹਾਂ ਹੋਣ ਤੋਂ ਬਾਅਦ ਪ੍ਰਵਾਨਗੀ ਦਿੱਤੀ ਗਈ ਸੀ। ਉਨ੍ਹਾਂ ਨੂੰ ਕਥਿਤ ਤੌਰ ’ਤੇ ਬਾਅਦ ’ਚ ਚਰਚਾ ਤੱਕ ਤੋਂ ਰੋਕਿਆ ਗਿਆ ਸੀ ਪਰ ਚਾਰਲਸ ਦੇ ਬੁਲਾਰੇ ਨੇ ਕਿਹਾ ਕਿ ਇਹ ਚੈਰਿਟੀ ਕਮਿਸਨ ਦੇ ਨਿਯਮਾਂ ਦੇ ਅਨੁਸਾਰ ਸੀ।
