ਸ਼੍ਰੀਲੰਕਾ ਅਤੇ ਨਿਊਜ਼ੀਲੈਂਡ ਵਿਚਕਾਰ ਬੁੱਧਵਾਰ ਨੂੰ ਖੇਡੇ ਗਏ ਟੀ-20 ਇੰਟਰਨੈਸ਼ਨਲ ਮੈਚ ‘ਚ ਨਿਊਜ਼ੀਲੈਂਡ ਦੀ ਕਿਟ ਕਾਟਨ ਨੇ ਅੰਪਾਇਰਿੰਗ ਕਰਕੇ ਇਤਿਹਾਸ ਰਚ ਦਿੱਤਾ। ਕਾਟਨ ਦੋ ਪੁਰਸ਼ ਫੁੱਲ-ਟਾਈਮ ਆਈ.ਸੀ.ਸੀ. ਦੇਸ਼ਾਂ ਵਿਚਕਾਰ ਟੀ-20 ਅੰਤਰਰਾਸ਼ਟਰੀ ਮੈਚ ‘ਚ ਮੈਦਾਨੀ ਅੰਪਾਇਰਿੰਗ ਦੀ ਜ਼ਿੰਮੇਵਾਰੀ ਨਿਭਾਉਣ ਵਾਲੀ ਪਹਿਲੀ ਮਹਿਲਾ ਬਣ ਗਈ ਹਨ। 48 ਸਾਲਾ ਕਿਮ ਕਾਟਨ ਨੇ ਇਸ ਤੋਂ ਪਹਿਲਾਂ 54 ਮਹਿਲਾ ਟੀ-20 ਅੰਤਰਰਾਸ਼ਟਰੀ ਮੈਚਾਂ ‘ਚ ਅੰਪਾਇਰਿੰਗ ਦੀ ਭੂਮਿਕਾ ਨਿਭਾਈ ਸੀ। ਇਸ ਦੌਰਾਨ ਉਹ ਟੀ.ਵੀ. ਅੰਪਾਇਰ ਵੀ ਸਨ। ਇਸ ਤੋਂ ਇਲਾਵਾ 2018 ਤੋਂ ਲੈ ਕੇ ਹੁਣ ਤਕ ਕਾਟਨ ਨੇ 24 ਮਹਿਲਾ ਵਨਡੇ ਮੈਚਾਂ ‘ਚ ਅੰਪਾਇਰਿੰਗ ਕੀਤੀ ਹੈ। ਦੱਸਦੇਈਏ ਕਿ 2020 ‘ਚ ਪਹਿਲੀ ਵਾਰ ਇੰਡੀਆ ਅਤੇ ਨਿਊਜ਼ੀਲੈਂਡ ਵਿਚਾਲੇ ਹੈਮਿਲਟਨ ‘ਚ ਖੇਡੇ ਗਏ ਮੈਚ ‘ਚ ਕਾਟਨ ਨੇ ਪੁਰਸ਼ਾਂ ਦੇ ਮੈਚ ‘ਚ ਆਪਣੀ ਜਗ੍ਹਾ ਬਣਾਈ ਸੀ। ਉਦੋਂ ਉਹ ਟੀ.ਵੀ. ਅੰਪਾਇਰ ਸੀ। ਕਾਟਨ ਨੇ 2018 ਤੋਂ ਹੁਣ ਤੱਕ ਇਕ ਵਨਡੇ ਵਰਲਡ ਕੱਪ ਅਤੇ ਤਿੰਨ ਟੀ-20 ਵਰਲਡ ਕੱਪ ‘ਚ ਅੰਪਾਇਰਿੰਗ ਕੀਤੀ ਹੈ। ਇਸ ‘ਚ 2020, 2022 ਅਤੇ 2023 ਦੇ ਫਾਈਨਲ ਸ਼ਾਮਲ ਹਨ। ਯਾਦ ਰਹੇ ਕਿ ਆਸਟਰੇਲੀਆ ਦੀ ਕਲੇਰ ਪੋਲੋਸੈਕ ਪੁਰਸ਼ਾਂ ਦੇ ਟੈਸਟ ਮੈਚ ‘ਚ ਅੰਪਾਇਰਿੰਗ ਕਰਨ ਵਾਲੀ ਪਹਿਲੀ ਮਹਿਲਾ ਮੈਚ ਅਧਿਕਾਰੀ ਬਣੀ ਸੀ। ਕਲੇਰ ਪੋਲੋਸਕ ਨੇ ਇੰਡੀਆ ਅਤੇ ਆਸਟਰੇਲੀਆ ਵਿਚਕਾਰ 2021-22 ਬਾਰਡਰ-ਗਾਵਸਕਰ ਟਰਾਫੀ ਦੇ ਚੌਥੇ ਟੈਸਟ ‘ਚ ਚੌਥੇ ਅੰਪਾਇਰ ਵਜੋਂ ਕੰਮ ਕੀਤਾ ਸੀ। ਇਹ ਮੈਚ ਸਿਡਨੀ ‘ਚ ਖੇਡਿਆ ਗਿਆ ਸੀ।
