16 ਅਕਤੂਬਰ ਤੋਂ ਟੀ-20 ਵਰਲਡ ਕੱਪ ਦੀ ਸ਼ੁਰੂਆਤ ਆਸਟਰੇਲੀਆ ‘ਚ ਹੋਵੇਗੀ। ਇਸ ਤੋਂ ਪਹਿਲਾਂ ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈ.ਸੀ.ਸੀ.) ਨੇ ਪੁਸ਼ਟੀ ਕੀਤੀ ਕਿ ਮੈਲਬੌਰਨ ‘ਚ 13 ਨਵੰਬਰ ਨੂੰ ਹੋਣ ਵਾਲੇ ਆਈ.ਸੀ.ਸੀ. ਪੁਰਸ਼ ਟੀ-20 ਵਿਸ਼ਵ ਕੱਪ 2022 ਦੇ ਫਾਈਨਲ ਮੁਕਾਬਲੇ ‘ਚ ਨਾਮਣਾ ਖੱਟਣ ਵਾਲੀ ਟੀਮ ਨੂੰ 1.6 ਮਿਲੀਅਨ ਡਾਲਰ (13 ਕਰੋੜ ਰੁਪਏ) ਦਾ ਚੈੱਕ ਦਿੱਤਾ ਜਾਵੇਗਾ। ਉਥੇ ਉਪ ਜੇਤੂ ਟੀਮ ਨੂੰ 8 ਲੱਖ ਡਾਲਰ ਮਤਲਬ ਕਰੀਬ 6.52 ਕਰੋੜ ਰੁਪਏ ਮਿਲਣਗੇ। ਟੂਰਨਾਮੈਂਟ ‘ਚ ਕੁੱਲ 45.6 ਕਰੋੜ ਰੁਪਏ (5.6 ਮਿਲੀਅਨ ਡਾਲਰ) ਦੀ ਇਨਾਮੀ ਰਾਸ਼ੀ ਦਿੱਤੀ ਜਾਵੇਗੀ। ਹਾਲਾਂਕਿ ਪਿਛਲੇ ਸਾਲ ਦੀ ਇਨਾਮੀ ਰਾਸ਼ੀ ਦੀ ਤੁਲਨਾ ‘ਚ ਇਸ ਸਾਲ ਕੋਈ ਤਬਦੀਲੀ ਨਹੀਂ ਹੋਈ ਹੈ। ਪਹਿਲੇ ਰਾਊਂਡ ਅਤੇ ਸੁਪਰ12 ‘ਚ ਹਰੇਕ ਮੈਚ ਜਿੱਤਣ ‘ਤੇ 32.6 ਲੱਖ ਰੁਪਏ ਮਿਲਣਗੇ। ਟੀ-20 ਵਰਲਡ ਕੱਪ ਦੇ ਉਦਘਾਟਨ ਮੁਕਾਬਲੇ ‘ਚ ਸ਼੍ਰੀਲੰਕਾ ਅਤੇ ਨਾਮੀਬੀਆ ਵਿਚਾਲੇ ਮੈਚ ਹੋਵੇਗਾ, ਜਦਕਿ ਇੰਡੀਆ ਦਾ ਪਹਿਲਾ ਮੁਕਾਬਲਾ 23 ਅਕਤੂਬਰ ਨੂੰ ਪਾਕਿਸਤਾਨ ਨਾਲ ਹੋਵੇਗਾ। 16 ਅਕਤੂਬਰ ਤੋਂ ਆਸਟਰੇਲੀਆ ‘ਚ ਸੱਤ ਸਥਾਨਾਂ ‘ਚ ਖੇਡੇ ਜਾ ਰਹੇ 45 ਮੈਚਾਂ ਦੇ ਟੂਰਨਾਮੈਂਟ ਦੇ ਅੰਤ ‘ਚ 400,000 ਡਾਲਰ (ਕਰੀਬ 32 ਲੱਖ 65 ਹਜ਼ਾਰ) ਦਿੱਤੇ ਜਾਣਗੇ। ਟੀ-20 ਵਰਲਡ ਕੱਪ 2021 ਦੇ ਸਮਾਨ ਢਾਂਚੇ ਵਾਂਗ ਇਸ ਪੁਰਸ਼ ਸੁਪਰ 12 ਪੜਾਅ ਤੋਂ ਬਾਹਰ ਹੋਣ ਵਾਲੀਆਂ ਅੱਠ ਟੀਮਾਂ ਨੂੰ 40,000 ਡਾਲਰ ਦੀ ਕੀਮਤ ਦੇ ਉਸ ਪੜਾਅ ‘ਚ 30 ਖੇਡਾਂ ਵਿੱਚੋਂ ਹਰੇਕ ‘ਚ ਜਿੱਤ ਦੇ ਨਾਲ ਹਰੇਕ ਨੂੰ 70,000 ਡਾਲਰ (ਕਰੀਬ 57 ਲੱਖ) ਪ੍ਰਾਪਤ ਹੋਣਗੇ। ਅਫਗਾਨਿਸਤਾਨ, ਆਸਟਰੇਲੀਆ, ਬੰਗਲਾਦੇਸ਼, ਇੰਗਲੈਂਡ, ਇੰਡੀਆ, ਨਿਊਜ਼ੀਲੈਂਡ, ਪਾਕਿਸਤਾਨ ਅਤੇ ਦੱਖਣੀ ਅਫਰੀਕਾ ਨੇ ਸੁਪਰ 12 ਪੜਾਅ ‘ਤੇ ਆਪਣੇ ਟੂਰਨਾਮੈਂਟ ਦੀ ਸ਼ੁਰੂਆਤ ਕਰਨ ਦੀ ਪੁਸ਼ਟੀ ਕੀਤੀ ਹੈ।
