ਇੰਡੀਆ ਦੇ ਨੰਬਰ-ਦੋ ਸ਼ਤਰੰਜ ਖਿਡਾਰੀ 16 ਸਾਲਾ ਗ੍ਰੈਂਡ ਮਾਸਟਰ ਡੀ. ਗੁਕੇਸ਼ ਮੇਨੋਰਕਾ ਇੰਟਰਨੈਸ਼ਨਲ ਸ਼ਤਰੰਜ ਟੂਰਨਾਮੈਂਟ ‘ਚ ਆਪਣੇ ਖਿਤਾਬ ਨੂੰ ਬਚਾਉਣ ‘ਚ ਸਫਲ ਰਹੇ ਹਨ। ਆਖਰੀ ਰਾਊਂਡ ਤੋਂ ਬਾਅਦ 7 ਅੰਕਾਂ ‘ਤੇ ਉਸ ਨੂੰ ਬਰਾਬਰ ਟਾਈਬ੍ਰੇਕ ਅੰਕਾਂ ਦੇ ਕਾਰਨ ਹਮਵਤਨ ਗ੍ਰੈਂਡ ਮਾਸਟਰ ਪ੍ਰਣਵ ਵੀ. ਨਾਲ ਬਲਿਟਜ਼ ਟਾਈਬ੍ਰੇਕਰ ਖੇਡਣਾ ਪਿਆ, ਜਿਸ ‘ਚ ਗੁਕੇਸ਼ 1।5-0।5 ਨਾਲ ਜਿੱਤਣ ‘ਚ ਸਫਲ ਰਿਹਾ। ਪ੍ਰਣਵ ਨੂੰ ਉਪ ਜੇਤੂ ਦਾ ਸਥਾਨ ਮਿਲਿਆ। ਵੱਡੀ ਗੱਲ ਇਹ ਰਹੀ ਕਿ 2730 ਰੇਟਿੰਗ ਵਾਲਾ ਗੁਕੇਸ਼ ਪ੍ਰਤੀਯੋਗਿਤਾ ਤੋਂ ਬਾਅਦ 2 ਅੰਕਾਂ ਦਾ ਸੁਧਾਰ ਕਰਦੇ ਹੋਏ ਲਾਈਵ ਰੇਟਿੰਗ ‘ਚ 2732 ਅੰਕਾਂ ਨਾਲ 3 ਸਥਾਨਾਂ ਦਾ ਸੁਧਾਰ ਕਰਦੇ ਹੋਏ ਵਿਸ਼ਵ ਰੈਂਕਿੰਗ ‘ਚ 17ਵੇਂ ਸਥਾਨ ‘ਤੇ ਪਹੁੰਚ ਗਿਆ ਹੈ। ਨੀਦਰਲੈਂਡ ਦਾ ਵਾਨ ਫੋਰੇਸਟ ਜੌਰਡਨ ਤੀਜੇ ਸਥਾਨ ‘ਤੇ ਰਿਹਾ ਜਦਕਿ ਹੋਰਨਾਂ ਖਿਡਾਰੀਆਂ ‘ਚ ਇੰਡੀਆ ਦਾ ਆਰੀਅਨ ਚੋਪੜਾ, ਰੂਸ ਦਾ ਵਲਾਦੀਮਿਰ ਫੇਡੋਸੀਵ, ਅਮਰੀਕਾ ਦਾ ਨੀਮਨ ਹੰਸ ਮੋਕੇ, ਇਸਰਾਈਲ ਦਾ ਕੋਬੋ ਓਰੀ, ਰੂਸ ਦਾ ਮੈਕਸੀਮ ਚਿਗੇਵ, ਚੀਨ ਦਾ ਕਸੂ ਜਿਯਾਂਗਯੂ ਤੇ ਇੰਡੀਆ ਦਾ ਕੌਸਤਵ ਚੈਟਰਜੀ ਕ੍ਰਮਵਾਰ ਚੌਥੇ ਤੋਂ ਦਸਵੇਂ ਸਥਾਨ ‘ਤੇ ਰਹੇ।
