ਆਲ ਇੰਗਲੈਂਡ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਮਹਿਲਾ ਡਬਲਜ਼ ਸੈਮੀਫਾਈਨਲ ‘ਚ ਤ੍ਰਿਸਾ ਜੌਲੀ ਅਤੇ ਗਾਇਤਰੀ ਗੋਪੀਚੰਦ ਦੀ ਭਾਰਤੀ ਜੋੜੀ ਹਾਰ ਕੇ ਬਾਹਰ ਹੋ ਗਈ ਹੈ। ਮਹਿਲਾ ਡਬਲਜ਼ ਸੈਮੀਫਾਈਨਲ ‘ਚ ਲਗਾਤਾਰ ਦੂਜੇ ਸਾਲ ਹਾਰ ਕੇ ਇਹ ਜੋੜੀ ਬਾਹਰ ਹੋਈ ਹੈ। ਭਾਰਤੀ ਜੋੜੀ ਨੂੰ 46 ਮਿੰਟ ਤੱਕ ਚੱਲੇ ਮੈਚ ‘ਚ ਦੁਨੀਆ ਦੀ 20ਵੇਂ ਨੰਬਰ ਦੀ ਕੋਰੀਅਨ ਜੋੜੀ ਬਾਏਕ ਨਾ ਹਾ ਅਤੇ ਲੀ ਸੋ ਹੀ ਨੇ 21-10, 21-10 ਨਾਲ ਹਰਾਇਆ। ਗਾਇਤਰੀ ਦੇ ਪਿਤਾ ਪੁਲੇਲਾ ਗੋਪੀਚੰਦ 2001 ‘ਚ ਆਲ ਇੰਗਲੈਂਡ ਖਿਤਾਬ ਜਿੱਤਣ ਵਾਲੇ ਆਖਰੀ ਭਾਰਤੀ ਸਨ। ਉਨ੍ਹਾਂ ਤੋਂ ਪਹਿਲਾਂ ਪ੍ਰਕਾਸ਼ ਪਾਦੁਕੋਣ ਨੇ 1980 ‘ਚ ਇਹ ਖਿਤਾਬ ਜਿੱਤਿਆ ਸੀ। 19 ਸਾਲਾ ਤ੍ਰਿਸਾ ਅਤੇ 20 ਸਾਲਾ ਗਾਇਤਰੀ ਕੋਲ ਫਾਈਨਲ ‘ਚ ਪਹੁੰਚਣ ਦੇ ਵੱਡੇ ਮੌਕੇ ਸਨ ਪਰ ਉਹ ਸੈਮੀਫਾਈਨਲ ਦੀ ਰੁਕਾਵਟ ਨੂੰ ਪਾਰ ਨਹੀਂ ਹੋ ਸਕੇ। ਉਨ੍ਹਾਂ ਨੇ ਕੋਰੀਆ ਦੀ ਸਖ਼ਤ ਜੋੜੀ ਦਾ ਸਾਹਮਣਾ ਕੀਤਾ ਜਿਸ ‘ਚੋਂ ਲੀ ਦੋ ਵਾਰ ਵਰਲਡ ਚੈਂਪੀਅਨਸ਼ਿਪ ਦਾ ਖਿਤਾਬਧਾਰਕ ਹੈ। ਭਾਰਤੀ ਜੋੜੀ ਚੰਗੀ ਸ਼ੁਰੂਆਤ ਕਰਨ ‘ਚ ਅਸਫਲ ਰਹੀ ਅਤੇ ਸ਼ੁਰੂਆਤ ‘ਚ 0.4 ਨਾਲ ਪਿੱਛੇ ਰਹੀ। ਕੋਰੀਅਨ ਜੋੜੀ ਨੇ ਆਪਣੀਆਂ ਲੰਬੀਆਂ ਰੇਲੀਆਂ ਨਾਲ ਦਬਾਅ ਬਣਾਈ ਰੱਖਿਆ ਅਤੇ 11.5 ਦੀ ਬੜ੍ਹਤ ਬਣਾਈ। ਭਾਰਤੀ ਜੋੜੀ ਨੇ 9.13 ਦਾ ਸਕੋਰ ਬਣਾਉਣ ਲਈ ਕੁਝ ਅੰਕ ਹਾਸਲ ਕੀਤੇ ਪਰ ਇਸ ਤੋਂ ਬਾਅਦ ਮੁਕਾਬਲਾ ਇਕਤਰਫਾ ਹੋ ਗਿਆ। ਦੂਜੀ ਗੇਮ ‘ਚ ਉਸ ਨੇ 11.2 ਦੀ ਮਜ਼ਬੂਤ ਬੜ੍ਹਤ ਨਾਲ ਸ਼ੁਰੂਆਤ ਕੀਤੀ। ਭਾਰਤੀਆਂ ਨੇ ਕਈ ਗਲਤੀਆਂ ਕੀਤੀਆਂ ਜਿਸ ਦਾ ਵਿਰੋਧੀਆਂ ਨੇ ਫਾਇਦਾ ਉਠਾਇਆ ਅਤੇ ਮੈਚ ਅਤੇ ਮੈਚ ਆਪਣੇ ਨਾਂ ਕਰ ਲਿਆ।
