ਨਿਊਯਾਰਕ ਦੀ ਇਕ ਜ਼ਿਲ੍ਹਾ ਅਦਾਲਤ ਨੇ 22 ਸਾਲਾ ਅਮਰੀਕਨ ਵਿਅਕਤੀ ਨੂੰ 18 ਮਹੀਨੇ ਕੈਦ ਦੀ ਸਜ਼ਾ ਸੁਣਾਈ ਹੈ ਅਤੇ ਉਸ ਤੋਂ ਬਾਅਦ 36 ਮਹੀਨਿਆਂ ਤੱਕ ਉਸ ਦੀ ਨਿਗਰਾਨੀ ‘ਚ ਰਹਿਣ ਦਾ ਹੁਕਮ ਦਿੱਤਾ ਹੈ। ਦਰਅਸਲ ਇਸ ਵਿਅਕਤੀ ਨੇ ਇਕ ਚੋਰੀ ਦੀ ਬੰਦੂਕ ਇਕ ਨੌਜਵਾਨ ਨੂੰ ਵੇਚ ਦਿੱਤੀ ਸੀ ਜਿਸ ਨਾਲ ਨੌਜਵਾਨ ਨੇ ਇਕ ਭਾਰਤੀ ਨੂੰ ਗੋਲੀ ਮਾਰ ਕੇ ਮਾਰ ਦਿੱਤਾ ਸੀ। ਦੋਸ਼ੀ ਟੇਡਨ ਟੇਲਰ ਲਾਅ (22) ਨੇ ਐਂਟੋਨੀਓ ਗਿਆਮੀ ਗਾਰਸੀਆ ਨੂੰ ਬੰਦੂਕ ਵੇਚੀ ਸੀ। ਉਸ ਸਮੇਂ ਦੌਰਾਨ ਐਂਟੋਨੀਓ ਗਿਆਮੀ ਗਾਰਸੀਆ ਦੀ ਉਮਰ 15 ਸਾਲ ਸੀ ਜਿਸ ਨੇ 28 ਫਰਵਰੀ 2021 ਨੂੰ ਸੁਪਰਮਾਰਕੀਟ ‘ਚ ਜਾ ਕੇ ਪੰਜਾਬੀ ਮੂਲ ਦੇ ਮਾਲਕ 65 ਸਾਲਾ ਸਤਨਾਮ ਸਿੰਘ ਨੂੰ ਗੋਲੀ ਮਾਰ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ ਸੀ। ਅਮਰੀਕਨ ਅਟਾਰਨੀ ਦਫਤਰ ਦੇ ਅਨੁਸਾਰ ਉਸਨੇ ਬੰਦੂਕ ਉਸ ਕਾਨੂੰਨ ਦਫਤਰ ਤੋਂ ਚੋਰੀ ਕੀਤੀ ਜਿੱਥੇ ਉਹ ਕੰਮ ਕਰ ਰਿਹਾ ਸੀ। ਅਮਰੀਕਨ ਅਟਾਰਨੀ ਟ੍ਰਿਨਾ ਏ. ਹਿਗਿਨਸ ਨੇ ਕਿਹਾ, ‘ਉਟਾਹ ਜ਼ਿਲ੍ਹੇ ਲਈ ਯੂ.ਐਸ. ਅਟਾਰਨੀ ਦਾ ਦਫ਼ਤਰ ਉਹਨਾਂ ਕੇਸਾਂ ਦੀ ਸੁਣਵਾਈ ਕਰਨਾ ਜਾਰੀ ਰੱਖੇਗਾ ਜਿੱਥੇ ਵਿਅਕਤੀਆਂ ਕੋਲ ਗੈਰਕਾਨੂੰਨੀ ਤੌਰ ‘ਤੇ ਹਥਿਆਰ ਹਨ ਅਤੇ ਸਾਡੇ ਨਾਗਰਿਕਾਂ ਨੂੰ ਖਤਰੇ ‘ਚ ਪਾਉਂਦੇ ਹਨ।’ ਗਾਰਸੀਆ, ਜਿਸ ਨੇ ਦੋਸ਼ੀ ਤੋਂ ਬੰਦੂਕ ਲੈ ਲਈ, ਨੂੰ ਗੋਲੀਬਾਰੀ ‘ਚ ਦੋ ਪਹਿਲੀ-ਡਿਗਰੀ ਦੇ ਅਪਰਾਧਾਂ ਲਈ ਦੋਸ਼ੀ ਮੰਨਿਆ ਅਤੇ ਉਸਨੂੰ ਪੰਜ ਸਾਲ ਦੀ ਸਜ਼ਾ ਸੁਣਾਈ ਗਈ। ਪੰਜਾਬ ‘ਚ ਜਨਮੇ ਸਤਨਾਮ ਸਿੰਘ 1987 ‘ਚ ਅਮਰੀਕਾ ਚਲੇ ਗਏ ਅਤੇ ਉਸੇ ਸਾਲ 2000 ‘ਚ ਸੁਪਰ ਕਿਰਨਾ ਖਰੀਦੀ। ਸਤਨਾਮ ਸਿੰਘ ਦੀ ਡਕੈਤੀ ਅਤੇ ਬਾਅਦ ‘ਚ ਹੋਏ ਕਤਲ ਨੇ ਉਸਦੇ ਪਰਿਵਾਰ ਨੂੰ ਝੰਜੋੜ ਕੇ ਰੱਖ ਦਿੱਤਾ। ਉਸਦੇ ਪਰਿਵਾਰ ‘ਚ ਉਸਦੀ ਪਤਨੀ ਅਤੇ ਤਿੰਨ ਧੀਆਂ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਗਾਰਸੀਆ ਦੇਰ ਰਾਤ ਦੁਕਾਨ ‘ਤੇ ਗਿਆ ਅਤੇ ਖਰੀਦਦਾਰੀ ਲਈ ਕੁਝ ਚੀਜ਼ਾਂ ਦੀ ਚੋਣ ਕੀਤੀ। ਫਿਰ ਉਸਨੇ ਹੈਂਡਗਨ ਕੱਢੀ ਅਤੇ ਸਤਨਾਮ ਸਿੰਘ ‘ਤੇ ਤਿੰਨ ਗੋਲੀਆਂ ਚਲਾਈਆਂ ਜਿਸ ਨਾਲ ਸਟੋਰ ‘ਚ ਹੀ ਸਤਨਾਮ ਸਿੰਘ ਦੀ ਮੌਤ ਹੋ ਗਈ। ਸਤਨਾਮ ਸਿੰਘ ਦੀ ਧੀ ਨੇ ਜੱਜ ਨੂੰ ਕਿਹਾ ਕਿ ਉਸ ਦੇ ਪਿਤਾ ਦੇ ਕਾਤਲ ਗਾਰਸੀਆ ਨੂੰ ਉਮਰ ਕੈਦ ਦੀ ਸਜ਼ਾ ਦਿੱਤੀ ਜਾਣੀ ਚਾਹੀਦੀ ਹੈ, ਫਿਰ ਕਦੇ ਸੂਰਜ ਨੂੰ ਨਹੀਂ ਦੇਖਣਾ ਚਾਹੀਦਾ। ਉਸ ਨੇ ਕਿਹਾ ਕਿ ਉਸ ਦੇ ਪਿਤਾ ਦੀ ਮੌਤ ਉਸ ਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਦੁਖਾਂਤ ਹੈ ਅਤੇ ਉਹ ਇਸ ਨੂੰ ਕਦੇ ਨਹੀਂ ਭੁੱਲ ਸਕਦੀ।
