ਭਾਰਤੀ-ਅਮਰੀਕਨ ਗਣਿਤ-ਸ਼ਾਸਤਰੀ ਅਤੇ ਉੱਘੇ ਅੰਕੜਾ ਵਿਗਿਆਨੀ ਡਾ. ਕਲਿਆਮਪੂੜੀ ਰਾਧਾਕ੍ਰਿਸ਼ਨ ਰਾਓ ਨੂੰ ਅੰਕੜਿਆਂ ਦੇ ਖੇਤਰ ‘ਚ 75 ਸਾਲ ਪਹਿਲਾਂ ਕੀਤੇ ਗਏ ਉਨ੍ਹਾਂ ਦੇ ਮਹੱਤਵਪੂਰਨ ਕੰਮ ਲਈ 2023 ਦੇ ‘ਅੰਤਰਰਾਸ਼ਟਰੀ ਪੁਰਸਕਾਰ’ ਨਾਲ ਸਨਮਾਨਿਤ ਕੀਤਾ ਜਾਵੇਗਾ, ਜਿਸ ਨੇ ਅੰਕੜਿਆਂ ਦੇ ਖੇਤਰ ‘ਚ ਕ੍ਰਾਂਤੀ ਲਿਆ ਦਿੱਤੀ ਸੀ। ਇਸ ਪੁਰਸਕਾਰ ਨੂੰ ਅੰਕੜਿਆਂ ਦੇ ਖੇਤਰ ‘ਚ ਨੋਬਲ ਪੁਰਸਕਾਰ ਦੇ ਬਰਾਬਰ ਮੰਨਿਆ ਜਾਂਦਾ ਹੈ। ‘ਇੰਟਰਨੈਸ਼ਨਲ ਪ੍ਰਾਈਜ਼ ਇਨ ਸਟੈਟੇਸਟਿਕਸ ਫਾਊਂਡੇਸ਼ਨ’ ਨੇ ਇਕ ਬਿਆਨ ‘ਚ ਕਿਹਾ ਕਿ 75 ਸਾਲ ਪਹਿਲਾਂ ਇਸ ਖੇਤਰ ‘ਚ ਰਾਓ ਦੇ ਯੋਗਦਾਨ ਦਾ ਅੱਜ ਵੀ ਵਿਗਿਆਨ ‘ਤੇ ਡੂੰਘਾ ਪ੍ਰਭਾਵ ਜਾਰੀ ਹੈ। ਰਾਓ ਦੀ ਉਮਰ 102 ਸਾਲ ਹੈ। ਉਸ ਨੂੰ ਇਹ ਪੁਰਸਕਾਰ ਜੁਲਾਈ ‘ਚ ਕੈਨੇਡਾ ਦੇ ਔਟਵਾ ‘ਚ ਦੋ-ਸਾਲਾ ਅੰਤਰਰਾਸ਼ਟਰੀ ਅੰਕੜਾ ਸੰਸਥਾ ਵਰਲਡ ਸਟੈਟਿਸਟਿਕਸ ਕਾਂਗਰਸ ‘ਚ ਦਿੱਤਾ ਜਾਵੇਗਾ। ਪੁਰਸਕਾਰ ਦੇ ਨਾਲ ਉਸ ਨੂੰ 80,000 ਡਾਲਰ ਦੀ ਇਨਾਮੀ ਰਾਸ਼ੀ ਵੀ ਦਿੱਤੀ ਜਾਵੇਗੀ।
