ਮੁੰਬਈ ਇੰਡੀਅਨਜ਼ ਨੇ ਮਹਿਲਾ ਪ੍ਰੀਮੀਅਰ ਲੀਗ ਟੀ-20 ਟੂਰਨਾਮੈਂਟ ‘ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੂੰ 155 ਦੌੜਾਂ ‘ਤੇ ਆਊਟ ਕਰਨ ਤੋਂ ਬਾਅਦ 9 ਵਿਕਟਾਂ ਨਾਲ ਲਗਾਤਾਰ ਦੂਜੀ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਮੁੰਬਈ ਦੀ ਟੀਮ ਨੇ ਸਲਾਮੀ ਬੱਲੇਬਾਜ਼ ਹੇਲੀ ਮੈਥਿਊਜ਼ ਅਤੇ ਨੈਟ ਸਕਾਈਵਰ ਬਰੰਟ ਦੀਆਂ ਸ਼ਾਨਦਾਰ ਪਾਰੀਆਂ ਦੀ ਬਦੌਲਤ 14.2 ਓਵਰਾਂ ‘ਚ ਜਿੱਤ ਦਰਜ ਕੀਤੀ। ਮੁੰਬਈ ਲਈ ਹੈਲੀ ਅਤੇ ਯੈਸਟਿਕਾ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਯੈਸਟਿਕਾ ਨੇ 19 ਗੇਂਦਾਂ ‘ਚ 23 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਹੇਲੀ ਨੇ ਨੈਟ ਸਾਇਵਰ ਬਰੰਟ ਨਾਲ ਮਿਲ ਕੇ ਆਰ.ਸੀ.ਬੀ. ਦੇ ਗੇਂਦਬਾਜ਼ਾਂ ਦੀ ਜ਼ਬਰਦਸਤ ਕੁਟਾਈ ਕੀਤੀ। ਹੇਲੀ ਮੈਥਿਊਜ਼ ਨੇ 38 ਗੇਂਦਾਂ ‘ਚ 13 ਚੌਕਿਆਂ ਅਤੇ ਇਕ ਛੱਕੇ ਦੀ ਮਦਦ ਨਾਲ 77 ਦੌੜਾਂ ਬਣਾਈਆਂ, ਉਥੇ ਹੀ ਸਾਈਵਰ ਬਰੰਟ ਨੇ 29 ਗੇਂਦਾਂ ‘ਚ 9 ਚੌਕਿਆਂ ਅਤੇ ਇਕ ਛੱਕੇ ਦੀ ਮਦਦ ਨਾਲ 55 ਦੌੜਾਂ ਬਣਾ ਕੇ ਟੀਮ ਨੂੰ ਜਿੱਤ ਦਿਵਾਉਣ ‘ਚ ਸਫ਼ਲ ਰਹੇ। ਇਸ ਤੋਂ ਪਹਿਲਾਂ ਆਫ਼ ਸਪਿਨਰ ਹੇਲੀ ਮੈਥਿਊਜ਼ ਦੀ ਅਗਵਾਈ ‘ਚ ਮੁੰਬਈ ਇੰਡੀਅਨਜ਼ ਦੇ ਗੇਂਦਬਾਜ਼ਾਂ ਨੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਕਿਸੇ ਵੀ ਬੱਲੇਬਾਜ਼ ਨੂੰ ਵੱਡੀ ਪਾਰੀ ਨਹੀਂ ਖੇਡਣ ਦਿੱਤੀ ਅਤੇ ਮਹਿਲਾ ਪ੍ਰੀਮੀਅਰ ਲੀਗ ‘ਚ ਪੂਰੀ ਟੀਮ 18.4 ਓਵਰਾਂ ‘ਚ 155 ਦੌੜਾਂ ‘ਤੇ ਆਊਟ ਹੋ ਗਈ। ਆਰ.ਸੀ.ਬੀ. ਦੇ ਜ਼ਿਆਦਾਤਰ ਬੱਲੇਬਾਜ਼ਾਂ ਨੇ ਚੰਗੀ ਸ਼ੁਰੂਆਤ ਕੀਤੀ ਪਰ ਕੋਈ ਵੀ ਵੱਡੀ ਪਾਰੀ ਨਹੀਂ ਖੇਡ ਸਕਿਆ। ਉਸ ਦੀ ਟੀਮ ਲਈ ਵਿਕਟਕੀਪਰ ਬੱਲੇਬਾਜ਼ ਰਿਚਾ ਘੋਸ਼ ਨੇ ਸਭ ਤੋਂ ਵੱਧ 28 ਦੌੜਾਂ ਬਣਾਈਆਂ ਪਰ ਇਸ ਦੇ ਲਈ ਉਸ ਨੇ 26 ਗੇਂਦਾਂ ਖੇਡੀਆਂ। ਮੁੰਬਈ ਲਈ ਮੈਥਿਊਜ਼ ਨੇ 26 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ। ਉਸ ਨੂੰ ਸਾਈਕਾ ਇਸ਼ਾਕ (26 ਦੌੜਾਂ ਦੇ ਕੇ 2 ਵਿਕਟਾਂ) ਅਤੇ ਅਮੇਲੀਆ ਕੇਰ (30 ਦੌੜਾਂ ਦੇ ਕੇ 2 ਵਿਕਟਾਂ) ਦਾ ਚੰਗਾ ਸਹਿਯੋਗ ਮਿਲਿਆ। ਸਮ੍ਰਿਤੀ ਮੰਧਾਨਾ (17 ਗੇਂਦਾਂ ‘ਤੇ 23 ਦੌੜਾਂ, ਪੰਜ ਚੌਕੇ) ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਸੋਫੀ ਡਿਵਾਈਨ (11 ਗੇਂਦਾਂ ‘ਤੇ 16 ਦੌੜਾਂ, ਦੋ ਚੌਕੇ, ਇਕ ਛੱਕਾ) ਨਾਲ ਪਹਿਲੀ ਵਿਕਟ ਲਈ 39 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਆਰ.ਸੀ.ਬੀ. ਨੇ ਧਮਾਕੇਦਾਰ ਸ਼ੁਰੂਆਤ ਦਿੱਤੀ ਪਰ ਫਿਰ ਅੱਠ ਗੇਂਦਾਂ ‘ਚ ਚਾਰ ਵਿਕਟਾਂ ਗੁਆ ਦਿੱਤੀਆਂ। ਹੱਥ ਦੇੀ ਸਪਿੰਨਰ ਸਾਈਕਾ ਇਸ਼ਾਕ ਨੇ ਡਿਵਾਈਨ ਨੂੰ ਬਾਊਂਡਰੀ ‘ਤੇ ਕੈਚ ਦੇ ਕੇ ਦਿਸ਼ਾ ਕੈਸਟ ਨੂੰ ਬੋਲਡ ਕੀਤਾ। ਮੈਥਿਊਜ਼ ਨੇ ਅਗਲੇ ਓਵਰ ‘ਚ ਮੰਧਾਨਾ ਅਤੇ ਹੀਥਰ ਨਾਈਟ ਨੂੰ ਲਗਾਤਾਰ ਗੇਂਦਾਂ ‘ਤੇ ਆਊਟ ਕਰਕੇ ਆਰ.ਸੀ.ਬੀ. ਨੂੰ ਚਾਰ ਵਿਕਟਾਂ ‘ਤੇ 47 ਦੌੜਾਂ ‘ਤੇ ਪਹੁੰਚਾਇਆ। ਐਲੀਸ ਪੇਰੀ (ਸੱਤ ਗੇਂਦਾਂ ‘ਤੇ 13) ਨੇ ਰਿਚਾ ਨਾਲ ਮਿਲ ਕੇ ਕੁਝ ਤੇਜ਼ ਸ਼ਾਟ ਲਗਾਏ ਪਰ ਆਸਟਰੇਲੀਅਨ ਆਲਰਾਊਂਡਰ ਤੇਜ਼ ਦੌੜ ਚੋਰੀ ਕਰਨ ਦੀ ਕੋਸ਼ਿਸ਼ ‘ਚ ਰਨ ਆਊਟ ਹੋ ਗਈ।
