ਇੰਡੀਆ ਦੇ ਰੋਹਨ ਬੋਪੰਨਾ ਅਤੇ ਸਾਨੀਆ ਮਿਰਜ਼ਾ ਨੇ ਯੇਲੇਨਾ ਓਸਤਾਪੇਂਕੋ ਅਤੇ ਡੇਵਿਡ ਵੇਗਾ ਹਰਨਾਂਡੇਜ਼ ਨੂੰ ਹਰਾ ਕੇ ਆਸਟਰੇਲੀਅਨ ਓਪਨ ਮਿਕਸਡ ਡਬਲਜ਼ ਦੇ ਸੈਮੀਫਾਈਨਲ ‘ਚ ਥਾਂ ਬਣਾ ਲਈ ਹੈ। ਭਾਰਤੀ ਜੋੜੀ ਨੇ ਮਿਕਸਡ ਡਬਲਜ਼ ਵਰਗ ‘ਚ ਅਜੇ ਤਕ ਇਕ ਸੈੱਟ ਵੀ ਨਹੀਂ ਗੁਆਇਆ ਹੈ। ਹੁਣ ਉਨ੍ਹਾਂ ਦਾ ਸਾਹਮਣਾ ਤੀਜਾ ਦਰਜਾ ਪ੍ਰਾਪਤ ਡਿਜ਼ਾਇਰ ਕੇ ਅਤੇ ਨੀਲ ਸਕੁਪਸਕੀ ਅਤੇ ਟੇਲਰ ਟਾਊਨਸੇਂਡ ਅਤੇ ਜੈਮੀ ਮਰੇ ਵਿਚਕਾਰ ਹੋਣ ਵਾਲੇ ਮੈਚ ਦੇ ਜੇਤੂ ਨਾਲ ਹੋਵੇਗਾ। ਬੋਪੰਨਾ ਅਤੇ ਮੈਥਿਊ ਏਬਡੇਨ ਦੀ ਜੋੜੀ ਪੁਰਸ਼ ਡਬਲਜ਼ ‘ਚ ਪਹਿਲੇ ਦੌਰ ‘ਚ ਹੀ ਬਾਹਰ ਹੋ ਗਈ ਸੀ। ਉਥੇ ਹੀ ਸਾਨੀਆ ਅਤੇ ਕਜ਼ਾਕਿਸਤਾਨ ਦੀ ਅੰਨਾ ਡੇਨਿਲਿਨਾ ਨੂੰ ਮਹਿਲਾ ਡਬਲਜ਼ ਦੇ ਦੂਜੇ ਦੌਰ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਰਾਮਕੁਮਾਰ ਰਾਮਨਾਥਨ ਅਤੇ ਮੈਕਸੀਕੋ ਦੇ ਮਿਗੁਏਲ ਏਂਜਲ ਰੇਅਸ ਵਰੇਲਾ, ਯੂਕੀ ਭਾਂਬਰੀ ਅਤੇ ਸਾਕੇਤ ਮਾਈਨੇਨੀ ਵੀ ਪਹਿਲੇ ਦੌਰ ‘ਚ ਹਾਰ ਗਏ। ਜੀਵਨ ਨੇਦੁਨਚੇਝਿਆਨ ਅਤੇ ਐੱਨ ਸ਼੍ਰੀਰਾਮ ਬਾਲਾਜੀ ਦੂਜੇ ਦੌਰ ‘ਚ ਹਾਰ ਗਏ।
