ਵਰਲਡ ਹਾਕੀ ਕੱਪ 13 ਤੋਂ 29 ਜਨਵਰੀ ਤੱਕ ਇੰਡੀਆ ‘ਚ ਹੋਣ ਜਾ ਰਿਹਾ ਹੈ ਜਿਸ ‘ਚ ਦੁਨੀਆਂ ਦੀਆਂ 16 ਹਾਕੀ ਟੀਮਾਂ ਭਿੜਨਗੀਆਂ। ਹਾਕੀ ਦੇ ਮਹਾਨ ਖਿਡਾਰੀ ਅਜੀਤਪਾਲ ਸਿੰਘ ਦਾ ਮੰਨਣਾ ਹੈ ਕਿ ਘਰੇਲੂ ਮੈਦਾਨ ‘ਤੇ ਹੋਣ ਵਾਲੇ ਵਰਲਡ ਕੱਪ ‘ਚ ਆਸਟਰੇਲੀਆ ਇੰਡੀਆ ਲਈ ਸਭ ਤੋਂ ਵੱਡਾ ਖ਼ਤਰਾ ਹੋਵੇਗਾ ਅਤੇ ਮੇਜ਼ਬਾਨ ਟੀਮ ਨੂੰ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਆਪਣੀ ਪੂਰੀ ਸਮਰੱਥਾ ਨਾਲ ਖੇਡਣਾ ਹੋਵੇਗਾ। ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ 2022 ਦੇ ਗੋਲਡ ਮੈਡਲ ਮੈਚ ‘ਚ ਆਸਟਰੇਲੀਆ ਨੇ ਇੰਡੀਆ ਨੂੰ 7-0 ਨਾਲ ਹਰਾਇਆ। ਅਜੀਤਪਾਲ ਸਿੰਘ ਨੇ ਕਿਹਾ ਕਿ ਮੇਜ਼ਬਾਨ ਟੀਮ ਮਿਲ ਕੇ ਖੇਡ ਕੇ ਹੀ ਆਸਟਰੇਲੀਆ ਦੀ ਚੁਣੌਤੀ ਨੂੰ ਪਾਰ ਕਰ ਸਕਦੀ ਹੈ। ਵਰਲਡ ਕੱਪ ਜੇਤੂ (1975) ਟੀਮ ਦੇ ਕਪਤਾਨ ਸਿੰਘ ਨੇ ਕਿਹਾ, ‘ਭਾਰਤੀ ਟੀਮ ਨੂੰ ਹਰ ਮੈਚ ਨੂੰ ਬਹੁਤ ਮਹੱਤਵਪੂਰਨ ਮੈਚ ਵਜੋਂ ਲੈਣਾ ਚਾਹੀਦਾ ਹੈ। ਹਾਂ, ਆਸਟਰੇਲੀਆ ਇਕ ਸਖ਼ਤ ਟੀਮ ਹੈ, ਪਰ ਭਾਰਤੀ ਟੀਮ ਨੂੰ ਆਪਣੀ ਪੂਰੀ ਸਮਰੱਥਾ ਨਾਲ ਖੇਡਣਾ ਹੋਵੇਗਾ।’ ‘ਜਿੱਤਣਾ ਜਾਂ ਹਾਰਨਾ ਖੇਡ ਦਾ ਹਿੱਸਾ ਹੈ, ਪਰ ਤੁਸੀਂ ਹਰ ਸਮੇਂ ਆਪਣੀ ਪੂਰੀ ਕੋਸ਼ਿਸ਼ ਕਰਦੇ ਹੋ।’ ਉਨ੍ਹਾਂ ਅੱਗੇ ਕਿਹਾ। ਵਰਲਡ ਕੱਪ 13 ਤੋਂ 29 ਜਨਵਰੀ ਤੱਕ ਭੁਵਨੇਸ਼ਵਰ ਅਤੇ ਰਾਉਰਕੇਲਾ ‘ਚ ਖੇਡਿਆ ਜਾਵੇਗਾ ਜਿਸ ‘ਚ 16 ਟੀਮਾਂ ਟਰਾਫੀ ਲਈ ਆਪਸ ‘ਚ ਭਿੜਨਗੀਆਂ। ਇੰਡੀਆ ਨੂੰ ਵੇਲਜ਼, ਸਪੇਨ ਅਤੇ ਇੰਗਲੈਂਡ ਦੇ ਨਾਲ ਪੂਲ ਡੀ ‘ਚ ਰੱਖਿਆ ਗਿਆ ਹੈ।
