ਪਹਿਲੇ ਦੌਰ ‘ਚ ਹੀ ਹਾਰਨ ਕਰਕੇ ਇੰਡੀਆ ਦੀ ਸਟਾਰ ਸ਼ਟਲਰ ਪੀ.ਵੀ. ਸਿੰਧੂ ਆਲ ਇੰਗਲੈਂਡ ਓਪਨ ਤੋਂ ਬਾਹਰ ਹੋ ਗਈ ਹੈ। ਮਹਿਲਾ ਸਿੰਗਲਜ਼ ਦੇ 39 ਮਿੰਟ ਤੱਕ ਚੱਲੇ ਮੁਕਾਬਲੇ ‘ਚ ਸਿੰਧੂ ਨੂੰ ਝਾਂਗ ਯੀ ਮਾਨ ਤੋਂ 17-21, 11-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਦੂਜੇ ਪਾਸੇ ਲਕਸ਼ਯ ਸੇਨ ਅਤੇ ਐੱਚ.ਐਸ. ਪ੍ਰਣਯ ਨੇ ਸਖ਼ਤ ਮੁਕਾਬਲੇ ‘ਚ ਸਿੱਧੇ ਗੇਮ ਜਿੱਤ ਕੇ ਪੁਰਸ਼ ਸਿੰਗਲਜ਼ ਦੇ ਦੂਜੇ ਦੌਰ ‘ਚ ਪ੍ਰਵੇਸ਼ ਕੀਤਾ। ਸਿੰਧੂ ਨੇ 2023 ਸੀਜ਼ਨ ਦੀ ਖਰਾਬ ਸ਼ੁਰੂਆਤ ਤੋਂ ਬਾਅਦ ਮਹਿਲਾ ਸਿੰਗਲਜ਼ ਟੂਰਨਾਮੈਂਟ ‘ਚ ਪ੍ਰਵੇਸ਼ ਕੀਤਾ ਸੀ। ਉਹ ਆਪਣੇ ਕੋਚ ਪਾਰਕ ਤਾਏ ਸੰਗ ਤੋਂ ਵੱਖ ਹੋ ਗਈ ਹੈ। ਝਾਂਗ ਦੇ ਖਿਲਾਫ ਇਕ ਵੱਡਾ ਇਵੈਂਟ ਜਿੱਥੇ ਉਸਦਾ ਰਿਕਾਰਡ ਬਹੁਤ ਵਧੀਆ ਨਹੀਂ ਹੈ, ਉਹ ਸ਼ੁਰੂਆਤ ਤੋਂ ਲੈਅ ‘ਚ ਨਹੀਂ ਦਿਖਾਈ ਦਿੱਤੀ। ਝਾਂਗ ਨੇ ਇਸ ਸਾਲ ਦੇ ਸ਼ੁਰੂ ‘ਚ ਬੀ.ਡਬਲਿਊ.ਐਫ. ਵਿਸ਼ਵ ਟੂਰ ਦੇ ਪਹਿਲੇ ਦੌਰ ‘ਚ ਉਸ ਨੂੰ ਹਰਾਇਆ ਸੀ। ਟੂਰਨਾਮੈਂਟ ‘ਚ ਇੰਡੀਆ ਦੇ 15 ਖਿਡਾਰੀ ਹਿੱਸਾ ਲੈ ਰਹੇ ਹਨ। ਇੰਗਲੈਂਡ ਚੈਂਪੀਅਨਸ਼ਿਪ ਬੈਡਮਿੰਟਨ ਦੇ ਸਭ ਤੋਂ ਵੱਡੇ ਟੂਰਨਾਮੈਂਟਾਂ ‘ਚੋਂ ਇਕ ਹੈ। ਇਹ ਦੁਨੀਆ ਦਾ ਸਭ ਤੋਂ ਪੁਰਾਣਾ ਟੂਰਨਾਮੈਂਟ ਵੀ ਹੈ। ਇਹ ਪਹਿਲੀ ਵਾਰ 1899 ‘ਚ ਆਯੋਜਿਤ ਕੀਤਾ ਗਿਆ ਸੀ। ਭਾਰਤੀ ਟੀਮ ਤੋਂ ਹੁਣ ਤੱਕ ਭਾਰਤੀ ਖਿਡਾਰੀ ਇਸ ਟੂਰਨਾਮੈਂਟ ‘ਚ ਸਿਰਫ਼ ਦੋ ਵਾਰ ਹੀ ਜਿੱਤੇ ਹਨ। ਆਖਰੀ ਵਾਰ ਇਹ 2001 ‘ਚ ਪੁਲੇਲਾ ਗੋਪੀਚੰਦ ਨੇ ਜਿੱਤਿਆ ਸੀ। ਇਹ 1980 ‘ਚ ਪਹਿਲੀ ਵਾਰ ਇੰਡੀਆ ਤੋਂ ਪ੍ਰਕਾਸ਼ ਪਾਦੂਕੋਣ ਨੇ ਜਿੱਤਿਆ ਸੀ।ਹਾਲਾਂਕਿ ਸਿੰਧੂ ਸਾਲ 2015 ‘ਚ ਅਤੇ ਲਕਸ਼ੈ ਸੇਨ ਸਾਲ 2022 ‘ਚ ਟੂਰਨਾਮੈਂਟ ਦੇ ਫਾਈਨਲ ‘ਚ ਪਹੁੰਚ ਚੁੱਕੇ ਹਨ ਪਰ ਜਿੱਤ ਨਹੀਂ ਸਕੇ।
