ਡੈਨਮਾਰਕ ਦੇ ਹੋਲਗਰ ਰੂਨੇ ਨੂੰ ਹਰਾ ਕੇ ਰੂਸ ਦੇ ਆਂਦਰੇ ਰੁਬਲੇਵ ਨੇ ਮੋਂਟੇ ਕਾਰਲੋ ਮਾਸਟਰਜ਼ ਦੇ ਫਾਈਨਲ ‘ਚ ਆਪਣੇ ਕਰੀਅਰ ਦਾ ਪਹਿਲਾ ਮਾਸਟਰਜ਼ 1000 ਖਿਤਾਬ ਜਿੱਤ ਲਿਆ ਹੈ। ਪੰਜਵਾਂ ਦਰਜਾ ਪ੍ਰਾਪਤ ਰੂਬਲੇਵ ਨੇ ਇਕ ਘੰਟਾ 34 ਮਿੰਟ ਤੱਕ ਚੱਲੇ ਮੈਚ ‘ਚ ਰੂਏਨ ਨੂੰ 5-7, 6-2, 7-5 ਨਾਲ ਹਰਾਇਆ। ਰੂਬਲੇਵ ਨਿਰਣਾਇਕ ਸੈੱਟ ‘ਚ ਵੀ 1-4 ਨਾਲ ਪਿੱਛੇ ਸੀ, ਪਰ ਉਸ ਨੇ ਆਪਣੇ ਕਰੀਅਰ ਦੀ ਸਭ ਤੋਂ ਵੱਡੀ ਜਿੱਤ ਦਰਜ ਕਰਨ ਲਈ ਵਾਪਸੀ ਕੀਤੀ। ਇਸ ਜਿੱਤ ਤੋਂ ਬਾਅਦ ਰੁਬਲੇਵ ਨੇ ਕਿਹਾ, ‘ਮੈਨੂੰ ਨਹੀਂ ਪਤਾ ਕਿ ਕੀ ਕਹਿਣਾ ਹੈ। 1-4, 0/30 ਤੋਂ ਪਿੱਛੇ ਚਲ ਰਿਹਾ ਸੀ, ਬਰੇਕ ਪੁਆਇੰਟ ਬਚਾਉਂਦੇ ਹੋਏ, ਇਹ ਸੋਚ ਰਿਹਾ ਸੀ ਕਿ ਜਿੱਤਣ ਦਾ ਕੋਈ ਮੌਕਾ ਨਹੀਂ ਸੀ। ਪਰ ਕਿਸੇ ਤਰ੍ਹਾਂ ਮੈਂ ਇਹ ਕਰ ਲਿਆ।’ ਰੁਬਲੇਵ ਨੇ 2021 ‘ਚ ਮੋਂਟੇ ਕਾਰਲੋ ਮਾਸਟਰਜ਼ ‘ਚ ਵੀ ਜਗ੍ਹਾ ਬਣਾਈ ਪਰ ਫਿਰ ਉਹ ਸਟੀਫਾਨੋਸ ਸਿਟਸਿਪਾਸ ਤੋਂ ਹਾਰ ਗਿਆ। ਉਸ ਨੇ ਕਿਹਾ, ‘ਮੈਂ ਅੰਦਰੋਂ ਉਮੀਦ ਕਰ ਰਿਹਾ ਸੀ ਕਿ ਮੈਨੂੰ ਮੌਕਾ ਮਿਲੇਗਾ ਤੇ ਮੈਂ ਇਸ ਲਈ ਅੰਤ ਤੱਕ ਖੇਡਦਾ ਰਹਾਂਗਾ। ਮੈਨੂੰ ਪਿਛਲਾ ਫਾਈਨਲ ਯਾਦ ਹੈ ਅਤੇ ਜਦੋਂ ਮੈਂ ਹਾਰ ਰਿਹਾ ਸੀ, ਮੈਂ ਮਹਿਸੂਸ ਕੀਤਾ ਕਿ ਮੇਰੇ ਕੋਲ ਕੋਈ ਮੌਕਾ ਨਹੀਂ ਸੀ। ਪਰ ਅੱਜ ਮੈਂ ਸੋਚਿਆ, ‘ਬੱਸ ਅੰਤ ਤੱਕ ਵਿਸ਼ਵਾਸ ਰੱਖੋ’, ਅਤੇ ਇਹੀ ਮੈਂ ਤੀਜੇ ਸੈੱਟ ‘ਚ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। 25 ਸਾਲਾ ਰੁਬਲੇਵ, ਜੋ ਕਿ ਯੂਕਰੇਨ ‘ਤੇ ਰੂਸ ਦੇ ਹਮਲੇ ਤੋਂ ਬਾਅਦ ਆਪਣੇ ਰਾਸ਼ਟਰੀ ਝੰਡੇ ਤੋਂ ਬਿਨਾ ਖੇਡ ਰਿਹਾ ਸੀ ਨੇ ਉਸ ਦੇ ਸਮਰਥਨ ਲਈ ਹਾਜ਼ਰੀਨ ਦਾ ਧੰਨਵਾਦ ਕੀਤਾ।
