ਬ੍ਰਿਟੇਨ ਦੀ ਅਦਾਲਤ ਨੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਅਤੇ ਮਨੀ ਲਾਂਡਰਿੰਗ ਦੇ ਮਾਮਲੇ ‘ਚ ਭਾਰਤੀ ਮੂਲ ਦੇ ਅਪਰਾਧੀ ਗਿਰੋਹ ਦੇ ਆਗੂ ਨੂੰ 8 ਸਾਲ ਅਤੇ 10 ਮਹੀਨਿਆਂ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ। ਨੈਸ਼ਨਲ ਕ੍ਰਾਈਮ ਏਜੰਸੀ ਨੇ ਕਿਹਾ ਕਿ ਉਸਦੇ ਅਧਿਕਾਰੀਆਂ ਨੇ ਇਹ ਸਾਬਤ ਕੀਤਾ ਹੈ ਕਿ ਦੱਖਣ-ਪੂਰਬੀ ਇੰਗਲੈਂਡ ਦੇ ਸਰੀ ਦੇ ਰਹਿਣ ਵਾਲਾ 45 ਸਾਲਾ ਰਾਜ ਸਿੰਘ ਇਕ ਸੰਗਠਿਤ ਅਪਰਾਧ ਸਮੂਹ ਚਲਾਉਂਦਾ ਸੀ ਅਤੇ ਕਲਾਸ ਏ ਦੇ ਨਸ਼ੀਲੇ ਪਦਾਰਥਾਂ ਅਤੇ ਹਥਿਆਰਾਂ ਨੂੰ ਖਰੀਦਣ ਅਤੇ ਵੇਚਣ ਲਈ 41 ਸਾਲਾ ਵਕਾਸ ਇਕਬਾਲ ਨਾਲ ਕੰਮ ਕਰਦਾ ਸੀ। ਇਹ ਦੋਵੇਂ ਮਿਲ ਕੇ ਮਨੀ ਲਾਂਡਰਿੰਗ ਲਈ ਕੇਟਾਮਾਈਨ ਕੈਨੇਡਾ ਭੇਜਣ ਦੀ ਤਿਆਰੀ ਕਰ ਰਹੇ ਸਨ। ਰਾਜ ਸਿੰਘ, ਜਿਸਦਾ ਪੂਰਾ ਨਾਮ ਰਜਿੰਦਰ ਸਿੰਘ ਬੱਸੀ ਹੈ, ਨੂੰ ਫਰਵਰੀ ‘ਚ ਗਿਲਡਫੋਰਡ ਕਰਾਊਨ ਕੋਰਟ ‘ਚ ਕਲਾਸ ਏ ਕੋਕੀਨ, ਕਲਾਸ ਬੀ ਕੇਟਾਮਾਈਨ ਅਤੇ ਮਨੀ ਲਾਂਡਰਿੰਗ ਸਮੇਤ ਪਾਬੰਦੀਸ਼ੁਦਾ ਪਦਾਰਥਾਂ ਦੀ ਸਪਲਾਈ ਕਰਨ ਦੀ ਸਾਜ਼ਿਸ਼ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ। ਉਸ ਨੇ ਆਪਣੇ ‘ਤੇ ਲੱਗੇ ਇਕ ਹੋਰ ਦੋਸ਼ ਨੂੰ ਵੀ ਸਵੀਕਾਰ ਕਰ ਲਿਆ ਹੈ। ਦਰਅਸਲ ਉਹ ਇਕ ਪੱਬ ਦੀ ਲੜਾਈ ‘ਚ ਵੀ ਸ਼ਾਮਲ ਸੀ ਜਿਸ ਦੌਰਾਨ ਉਸਨੇ ਇਕ ਪੁਲੀਸ ਅਧਿਕਾਰੀ ਦੇ ਪੈਰ ‘ਤੇ ਲੱਤ ਮਾਰ ਦਿੱਤੀ ਸੀ, ਜੋ ਉਸਨੂੰ ਰੋਕਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਉਸ ਨੂੰ ਇਕ ਪੁਲੀਸ ਅਧਿਕਾਰੀ ਨੂੰ ਸਰੀਰਕ ਨੁਕਸਾਨ ਪਹੁੰਚਾਉਣ ਲਈ 16 ਮਹੀਨਿਆਂ ਦੀ ਸਜ਼ਾ ਸੁਣਾਈ ਗਈ। ਦੂਜੇ ਪਾਸੇ ਇਕਬਾਲ ਨੂੰ ਦੱਖਣੀ ਇੰਗਲੈਂਡ ਦੀ ਇਸੇ ਅਦਾਲਤ ਨੇ ਸ਼ੁੱਕਰਵਾਰ ਨੂੰ 12 ਸਾਲ ਦੀ ਸਜ਼ਾ ਸੁਣਾਈ। ਉਸ ਨੇ ਅਦਾਲਤ ‘ਚ ਕਲਾਸ ਏ ਦੇ ਨਸ਼ੀਲੇ ਪਦਾਰਥਾਂ ਦੀ ਦਰਾਮਦ, ਪਾਬੰਦੀਸ਼ੁਦਾ ਹਥਿਆਰਾਂ ਦੇ ਤਬਾਦਲੇ ਦੀ ਸਾਜ਼ਿਸ਼ ਅਤੇ ਮਨੀ ਲਾਂਡਰਿੰਗ ਨੂੰ ਸਵੀਕਾਰ ਕੀਤਾ ਸੀ। ਐੱਨ.ਸੀ.ਏ. ਦੇ ਆਪ੍ਰੇਸ਼ਨ ਮੈਨੇਜਰ ਡੀਨ ਵਾਲਬੈਂਕ ਨੇ ਕਿਹਾ ਕਿ ‘ਇਕਬਾਲ ਅਤੇ ਰਾਜ ਸਿੰਘ ਦੋਵੇਂ ਲੰਡਨ ਦੇ ਅੰਦਰੋਂ ਕੰਮ ਕਰ ਰਹੇ ਸਨ। ਉਨ੍ਹਾਂ ਦੇ ਯੂਰਪ ਅਤੇ ਹੋਰ ਦੇਸ਼ਾਂ ਨਾਲ ਵੀ ਸਬੰਧ ਸਨ। ਦੂਜੇ ਡੀਲਰਾਂ ਵਾਂਗ ਇਕਬਾਲ ਅਤੇ ਰਾਜ ਸਿੰਘ ਸਮਾਜ ਨੂੰ ਗੰਭੀਰ ਨੁਕਸਾਨ ਪਹੁੰਚਾਉਣ ਲਈ ਜ਼ਿੰਮੇਵਾਰ ਹੈ।’ ਪੈਸਾ ਕਮਾਉਣ ਦੀ ਆੜ ‘ਚ ਉਨ੍ਹਾਂ ਨੂੰ ਇਸ ਗੱਲ ਦੀ ਪਰਵਾਹ ਨਹੀਂ ਸੀ ਕਿ ਨਸ਼ਿਆਂ ਅਤੇ ਬੰਦੂਕਾਂ ਕਾਰਨ ਕਿੰਨੀਆਂ ਜਾਨਾਂ ਗਈਆਂ ਹਨ। ਐੱਨ.ਸੀ.ਏ. ਨੇ ਦੋਨਾਂ ਨੂੰ ਏਨਕ੍ਰਿਪਟਡ ਸੰਚਾਰ ਪਲੇਟਫਾਰਮ ਐਕਰੋਚੈਟ ‘ਤੇ ਸੰਦੇਸ਼ਾਂ ਨੂੰ ਏਨਕ੍ਰਿਪਟ ਕਰਨ ਤੋਂ ਬਾਅਦ ਫੜ ਲਿਆ, ਜਿਸ ‘ਚ ਕਲਾਸ ਏ ਡਰੱਗਜ਼ ਅਤੇ ਬੰਦੂਕਾਂ ਨੂੰ ਖਰੀਦਣ ਅਤੇ ਸਪਲਾਈ ਕਰਨ ਦਾ ਦਾਅਵਾ ਕੀਤਾ ਗਿਆ ਸੀ। ਉਹ ਐਂਕਰਚੈਟ ‘ਤੇ ਆਪਣੇ ਅਸਲੀ ਨਾਮ ਦੀ ਵਰਤੋਂ ਨਹੀਂ ਕਰਦੇ, ਪਰ ਇਥੇ ਉਨ੍ਹਾਂ ਦੇ ਹੈਂਡਲ ਦੁਆਰਾ ਜਾਣੇ ਜਾਂਦੇ ਹਨ।
