ਯੂਗਾਂਡਾ ਦੇ ਇਕ ਮੰਤਰੀ ਦਾ ਉਨ੍ਹਾਂ ਦੇ ਇਕ ਅੰਗ ਰੱਖਿਅਕ ਨੇ ਨਿੱਜੀ ਝਗੜੇ ਨੂੰ ਲੈ ਕੇ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ। ਮੀਡੀਆ ਰਿਪੋਰਟਾਂ ‘ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਪੀੜਤ ਚਾਰਲਸ ਅੰਗੋਲਾ, ਰਾਸ਼ਟਰਪਤੀ ਯੋਵੇਰੀ ਮੁਸੇਵੇਨੀ ਦੀ ਸਰਕਾਰ ‘ਚ ਕਿਰਤ ਵਿਭਾਗ ਦੇ ਇੰਚਾਰਜ ਜੂਨੀਅਰ ਮੰਤਰੀ ਵਜੋਂ ਸੇਵਾ ਨਿਭਾ ਰਹੇ ਸਨ। ਅੰਗੋਲਾ ਫੌਜ ਦੇ ਸੇਵਾਮੁਕਤ ਕਰਨਲ ਸਨ। ਹਮਲਾਵਰ ਦੀ ਪਛਾਣ ਅਜੇ ਜਨਤਕ ਨਹੀਂ ਕੀਤੀ ਗਈ ਹੈ। ਰਾਜ ਪ੍ਰਸਾਰਕ ਯੂ.ਬੀ.ਸੀ. ਅਤੇ ਹੋਰਾਂ ਦੇ ਅਨੁਸਾਰ, ਹਮਲਾਵਰ ਨੇ ਕਤਲ ਕਰਨ ਤੋਂ ਬਾਅਦ ਆਪਣੇ ਆਪ ਨੂੰ ਗੋਲੀ ਮਾਰ ਲਈ। ਇਹ ਘਟਨਾ ਯੁਗਾਂਡਾ ਦੀ ਰਾਜਧਾਨੀ ਕੰਪਾਲਾ ਦੇ ਇਕ ਉਪਨਗਰ ‘ਚ ਅੰਗੋਲਾ ਦੇ ਘਰ ਦੇ ਅੰਦਰ ਵਾਪਰੀ, ਜਿੱਥੇ ਹੁਣ ਪੁਲੀਸ ਟੀਮ ਪਹੁੰਚ ਗਈ ਹੈ। ਘਟਨਾ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ, ਪਰ ਸਥਾਨਕ ਮੀਡੀਆ ਨੇ ਕਿਹਾ ਕਿ ਸੰਭਾਵਤ ਤੌਰ ‘ਤੇ ਗਾਰਡ ਦੀ ਤਨਖ਼ਾਹ ਨੂੰ ਲੈ ਕੇ ਵਿਵਾਦ ਸੀ। ਆਨਲਾਈਨ ਅਖ਼ਬਾਰ ਨਾਈਲਪੋਸਟ ਮੁਤਾਬਕ ਗਵਾਹਾਂ ਦਾ ਦਾਅਵਾ ਹੈ ਕਿ ਫੌਜੀ ਰੌਲਾ ਪਾ ਰਿਹਾ ਸੀ ਕਿ ਇਕ ਮੰਤਰੀ ਲਈ ਕੰਮ ਕਰਨ ਦੇ ਬਾਵਜੂਦ ਉਸਨੂੰ ਲੰਬੇ ਸਮੇਂ ਤੋਂ ਭੁਗਤਾਨ ਨਹੀਂ ਕੀਤਾ ਗਿਆ ਹੈ।
